දෙරණ සිනමා සම්මාන රාත්‍රිය අද
හත්වැනි වරටත් සංවිධාන කරන දෙරණ සිනමා සම්මාන උළෙල අද (28) දින රාත්‍රී 7 ට නෙළුම් පොකුණ රඟහලේ දී පැවැත්වීමට නියමිත ය.
මෙහිදී මුලික වශයෙන් කොටස් තුනකින් සිනමාකරුවන් ඇගයීමට ලක් කරන අතර 2018 වසරේ තිරගත වූ චිත්‍රපටවලින් ජූරිය තෝරාගන්නා හොඳම චිත්‍රපටය, හොඳම අධ්‍යක්ෂණය, හොඳම තිර රචනය, හොඳම රංගන ශිල්පියා ශිල්පිනිය ආදී සම්මාන දහසයක් එහිදී පිරිනමනු ලැබේ. හෙට දවසේ සිනමාව යන කාණ්ඩය යටතේ සම්මාන දෙකක් ලබාදීමට නියමිත අතර ජනප්‍රිය කාණ්ඩය යටතේ ජනප්‍රිය නළුවා, නිළිය, ගීතය, හාස්‍ය රංගන ශිල්ප්යා, ප්‍රතිවිර චරිතය, නර්තන නිර්මාණය යන සම්මාන පිරිනැමේ.
එසේම ජිවිතයේ එක්වරක් පිදෙන සම්මානය මෙවර හිමි වන්නේ රංගනවේදී අමරසිරි කලංසූරියට ය.
