“නොහිතපු සම්මානයක් ලැබුනේ” දෙරණ ජනප්‍රිය නළු සම්මානය දිනූ ජැක්සන් ඇන්තනි කියයි

7 වැනි දෙරණ සිනමා සම්මාන උළෙලේ ජනප්‍රිය රංගන ශිල්පියාට හිමි සම්මානය රංගනවේදී ජැක්සන් ඇන්තනිට හිමිවිය.

 “මගේ ජීවිතේ මම නොහිතපු මම නොතකපු සම්මානයක් මේ මොහොතේ මට ලැබුනා. ප්‍රසිද්ධියයි ජනප්‍රියත්වයයි කියන්නේ දෙකක්. මිනිහෙකුට ඕන මජර වැඩක් කරල ප්‍රසිද්ධ වෙන්ට පුලුවන්. ඒත් ජනප්‍රියත්වය කියන්නේ ජනතා ආදරය. ඒක මිනිහෙකුට ලබා ගන්ට අමාරු දෙයක්. ඒක මට අද ලැබුනා. මේ මොහොතේ පටන් මම ඒ ජනතා ආදරය රැකගන්න කටයුතු කරනවා. ස්තූතියි මට නැවත අලුතින් සිතන්නට පෙළඹුවාට. මීට පෙර ජනතා ආදරය පලුදු වෙන දේවල් මා අතින් සිදු උනානම් මම සමාව ඉල්ලනවා. මින් ඉදිරියට එහෙම නොවෙන්නට ඔබේ ආදරයට ගරුකරන්නට එය රැකගන්නට මා සිතනවා.”  

ජනප්‍රිය නිළිය ලෙස සම්මාන දිනාගත්තේ උදාරි වර්ණකුලසුරිය යි.