“සුළඟ අප රැගෙන යාවි” මෙවර CSR සිනමා කතිකාවට

සමාජය හා සාමයික කේන්ද්‍රයේ(CSR) මාධ්‍ය ඒකකය විසින් සංවිධාන කරන සිනමා කතිකාව මෙවරත් පැවැත්වීමට කටයුතු යොදා තිබේ.

නුවන් ජයතිලකගේ “සුළඟ අප රැගෙන යාවි” සිනමාපටය මෙවර ප්‍රදර්ශනය කිරීමට නියමිත අතර එම වැඩසටහන සැප්තැම්බර් 28 වැනි සෙනසුරාදා දහවල් 1ට CSR ශ්‍රවණාගාරයේ දී ආරම්භ කිරීමට නියමිත ය.

විචාරක අජිත් පැරකුම් ජයසිංහ, විචාරක අජිත් ගලප්පත්ති, විචාරක ෂෝන් මැක්සිමස් දිසානායක මෙවර සංවාද මණ්ඩපයේ අසුන් ගනු ඇත.

නුවන් ජූඩ් ලියනගේ විසින් සංවාදය මෙහෙයවන අතර සිනමාපටය නරඹා ඒ පිළිබඳ විද්වත් සංවාදයකට එක්වීමට කැමති අයෙක් වේ නම් එදිනට සහභාගී වන ලෙසට සංවිධායකයින් ආරාධනා කර සිටියි.