කල්පනා ඇම්බ්‍රෝස්ගෙන් පොඩ්ඩන්ට පොතක්
“පොඩ්ඩන්ගෙ බූන්දියට පොඩ්ඩො වෙනුවෙන් වෙනත් නමකින් කතන්දර, සිංදු ලියපු යුගයක් තිබුණා. අනිත් හැම පොතක් ම කළ යුතු වැඩක් හැටියට කළාට ඒ කතන්දර මුද්‍රිත පොතකට ගන්න හීනයක් තිබුණා.
එයින් එක කතාවක් ළමා කතා පොතක් විදිහට මුද්‍රණය වෙලා ජාත්‍යන්තර පොත් ප්‍රදර්ශනයේ දී සහ 22 ඉරිදා අහස පොත් වැස්සෙදි පොඩ්ඩන්ගෙ අතට පත් වෙනවා.
නම - 'චුට්ටු බුට්ටු සහ සුප් බඩගිනි රාස්සයා'
ප්‍රකාශනය - අහස
චිත්‍ර ඇන්ද ප්‍රසාදිනී කුමාරි සහෝදරියගෙ වෙහෙසට සහ කැපවීමට,පිටු සැකසුව සෞම්‍ය මල්ලිගෙ මහන්සියට,
පැකිලීමක් නැතුව ප්‍රකාශන කාර්යය භාරගත්, ඒ වෙනුවෙන් වෙහෙස වූ 'අහස' ට, චරිත සහ සායා මිත්‍රවරුන්ට,
සෝදුපත් බැලූ අපේ ගෙදර එක්කෙනාට,අහස සහ ප්‍රසාදිනී සම්බන්ධ කර දුන් උපුල් ශාන්ත සන්නස්ගල මිතුරාට,
මේ කතා මුලින් පළ කොට අප්‍රමාණ සතුටක් දීපු බූන්දියට, ලිව්වෙ කවුද කියා නො අසා ම කියවල රස වින්ඳ, අගය කරපු බූන්දි පාඨකයින්ට ස්තුතියි.
මේ පොත මගෙ පුංචි දුව චුට්ටු බුට්ටු Jr. ටයි, අනෙක් සියලු ම ආදරණීය පොඩ්ඩන්ටයි!”
