“ගෝල්ඩන් ඩෝර්” සිනමා උළෙලේ හොඳම සහය නළුවාට හිමි සම්මානය “පාංශු” චිත්‍රපටයේ සේවියර් කණිෂ්කට
ඇමරිකා එක්සත් ජනපද නිව් ජර්සි නුවර ගෝල්ඩන් ඩෝර් ජාත්‍යන්තර සිනමා උළෙලේ දී හොඳම සහාය නළුවා ලෙස විසාකේස චන්ද්‍රසේකරම්ගේ “පාංශු” චිත්‍රපටයේ රඟපෑ සේවියර් කණිෂ්ක සම්මාන දිනා ගැනීමට සමත් විය.
එසේම හොඳම වෘතාන්ත චිත්‍රපටය, හොඳම අධ්‍යක්ෂණය, හොඳම සහාය නිළිය, හොඳම නළුවා, හොඳම නිළිය, හොඳම තිරරචනය, හොඳම සංස්කරණය, හොඳම කැමරාකරණය ලෙසින් තවත් සම්මාන 8 ක් සඳහා “පාංශු” නිර්දේශ විය.
2010 වසරේ දී රංගන ශිල්පී බිල් සෝවිනෝගේ මුලිකත්වයෙන් ඇරඹි “ගෝල්ඩන් ඩෝර්” සිනමා උළෙල මෙවර සැප්තැම්බර් 19 වැනිදා සිට 22 වැනිදා දක්වා ඇමරිකාවේ දී පැවැත්වුණි.
