දයා වයමන් කලාවේදියාට පිදෙන රසික ජන උත්තමාචාරය “දඟකාරයාට අසූවයි”
දයා වයමන් කලාවේදියාගේ 80 වැනි ජන්ම දිනය නිමිත්තෙන් පිදෙන රසික ජන උත්තමාචාරය, “දඟකාරයාට අසූවයි” සොඳුරු සැදෑව එළඹෙන 25 වැනිදා සවස 3ට කොළඹ 7 ජාතික චිත්‍රපට සංස්ථා තරංගනී ශාලාවේදී පැවැත්වේ.
වයස අවුරුදු 14 න් කලා දිවිය ඇරඹු ඔහු වේදිකාව, පුංචි තිරය, රිදී තිරය ඇතුළු බහුවිධ ක්ෂේත්‍රයන් ඔස්සේ දශක හයකට අධික කාලයක් රසික හදවත් පිනවුයේ ය.
දයා වයමන් නිර්මාණය කර ඇති වේදිකා නාට්‍ය ගණන 51 කි. ජන ප්‍රසාදය දිනාගත් ඒ වේදිකා නිර්මාණ අතුරින් නෙයිනගේ සූදුව, එදා මෙදා තුර රසික හදවත් තුළ නොමැකෙන සටහන් තැබූ නිර්මාණයක් ලෙස හැඳින්විය හැකි යි.
