සුමති සම්මාන උලෙළේ සම්මාන දිනූ තරු මෙන්න

24 වැනි වරට සංවිධාන කළ සුමති සම්මාන උලෙළ ඊයේ (25) පස්වරුවේ කොළඹ නෙළුම් පොකුණ රඟහලේ දී පැවත්වුණි.

එහිදී හොඳම නළුවා ලෙස උද්දික ප්‍රේමරත්නත් හොඳම නිළිය ලෙස තිසුරි ලියනගේත් මිණි ගං දෑල ටෙලිය වෙනුවෙන් සම්මාන දිනා ගත් හ.

හොඳම ප්‍රාසංගික ටෙලිය බවට පත්වුයේ ලලිත් රත්නායකගේ “තාත්තා” ටෙලියයි. ජනප්‍රියම ටෙලිය ලෙසින් සුනිල් කොස්තාගේ අධ්‍යක්ෂණය වන “සුදු ඇඳගෙන කළු ඇවිදින්” සම්මානයට පාත්‍ර විය.

ටෙලිනාට්‍ය උදෙසා වූ සෙසු ප්‍රධාන සම්මාන බෙදී ගියේ මේ අයුරිනි,

හොඳම ටෙලි සංගීත අධ්‍යක්ෂණ කසුන් කල්හාර

හොඳම සහය නළුවා දසුන් පතිරණ

හොඳම සහය නිළිය යශෝධා රන්දුනි

හොඳම නැඟී එන නළුවා කලණ ගුණසේකර

හොඳම නැඟී එන නිළිය කලණි දොඩන්තැන්න

ජනප්‍රියම නිළිය නයෝමි තක්ෂිලා

ජනප්‍රියම නළුවා සුමිරන් ධනංජය