සිනමා කතිකාව 8 වැනි පියවර 30 වැනි බදාදා
සිනමා සංස්කෘතිය පෝෂණය කිරීමේ අරමුණින් ශ්‍රී ලංකා ජාතික චිත්‍රපට සංස්ථාව විසින් පවත්වනු ලබන “සිනමා කතිකාව 2019” වැඩසටහනේ ඔක්තෝබර් කලාපය පැවැත්වීමට කටයුතු සුදානම් කොට තිබේ.
සෑම මසකම අවසන් බදාදා දින මෙම වැඩසටහන පැවැත්වෙන අතර ඒ අනුව, මෙවර සිනමා කතිකාව එළඹෙන 30 වැනි බදාදා පස්වරු 3 ට චිත්‍රපට සංස්ථා තරංගනී ශාලාවේ දී ආරම්භ වේ.
“සිනමා කර්මාන්තයේ ප්‍රවර්ධනයට අධ්‍යාපනයේ බලපෑම” මැයෙන් මෙවර දේශනය පවත්වනු ලබන්නේ මහාචාර්ය පැට්‍රික් රත්නායක විසිනි.
කතිකාවට සමගාමිව “Departures” චිත්‍රපටය ද එදින ප්‍රදර්ශනය කෙරේ. නොමිලේ පවත්වන මෙම වැඩසටහන සමඟ එක්වන මෙන් ඔබටත් ඇරයුම්!
විමසීම්: 0112 585721
