හායි නන්නා රංගනයෙන් දායක වන නානි සහ සයින්දව් හි රංගනයෙන් දායක වන වෙන්කටෙශ් ඩගුබටි සිය චිත්‍රපටවල මංගල දර්ශන එළිදැක්වීමේ දිනවලට සූදානම් වෙමින් සිටිති.
මොවුන් දෙදෙනා මෑතකදී පළ කළ සිය ඡායාරූප හේතුවෙන් චිත්‍රපට දෙක සඳහා ප්‍රේක්ෂකයින්ද සූදානම් වෙන බව ඒවා සඳහා හිමි වන ප්‍රතිචාරවලින් දකින්නට ලැබේ.
හායි නන්නා ප්‍රචාරක පටය ඔක්තෝම්බර් 15 වෙනිදා හයිද්‍රාබාද්හි පැවැත්වෙන විශේෂ උත්සවයකදී නානි රසිකයින්ට දැකීමට අවස්ථාව ලැබෙනු ඇති අතර එහි ඔහු මෘනාල් තාකූර් සමග තිරය බෙදා ගනී. ඇය නානිගේ පෙම්වතිය සහ කියාලා ඛන්නා ඔහුගේ දියනිය ලෙසත් රඟපාන්නේ කතා තේමාවේ හැටියට වන අමුතු ආකාරයේ සිදුවීම් මාලාවක් සමගය. නානි ශ්‍යාම් සිංහා රෝයි චිත්‍රපටයෙන් පසුගිය කාලයේ ප්‍රේක්ෂකයින්ගේ පැසසුමට ලක් විය.
සයින්දව්හි ප්‍රවර්ධන කටයුතු ඇරඹෙන්නේ ඔක්තෝබර් 16 වැනිදා වන අතර ඩගුබටි වෙන්කටේශ්ගේ පෝස්ටරයද ආකර්ෂණීය එකකි.
ක්‍රියාදාම චිත්‍රපටයක් වන මෙහි නවාඅසුදීන් සිද්දිකී. ආර්යා, ශ්‍රද්ධා ස්‍රීනාත්, රුහාන්නි ශර්මා සහ ඇන්ඩ්‍රියා ජෙරමියා මෙහි රංගනයෙන්න් දායක වෙති.
තෙලිඟු චිත්‍රපට රසිකයින්ගේ බලාපොරොත්තු දල්වන චිත්‍රපට දෙකක් ලෙස මෙම චිත්‍රපට දැනටම අවධානය දිනාගෙන ඇත.
