කවිය සහ ගීතයෙන් රසිකයින් ආමන්ත්‍රණය කළ පද රචක අමිල තේනුවරගේ නිර්මාණ ජීවිතයට වසර 25ක් සපිරීම නිමිති කරගනිමින් පැවැත්වෙන 'නාවෙ නුඹ විතරයි' ගීත ප්‍රසංගය අනිද්දා (18) නෙළුම් පොකුණ රඟහලේදී සවස 06ට පැවැත්වේ.

කාත් කවුරුවත්, මං අහන්නෙ නම් නෑ රත්තරනේ, මට මගේ නොවන ආදරයක් තිබුණා, යනාදී ගීත ගණනාවක් රචනා කරමින් රසික හදවත් දිනූ ජනප්‍රිය ගී පද රචකයකු වන අමිල තේනුවර හා මිත්‍රත්වයෙන් අත්වැල් බැඳගන්නා ගායක ගායිකා රැසක් වෙති.
'නාවෙ නුඹ විතරයි' ප්‍රවේශපත්‍ර සරසවි පොත්හලින් සහ සදීපා බොරැල්ලෙන් මිලදීගත හැක. අන්තර්ජාලය හරහා මිලදී ගැනීමට mytickets.lk වෙත පිවිසෙන්න. තොරතුරු 0771201405 දුරකථන අංකයෙන් දැනගත හැකිය.