වාසව බදුගේ විසින් අධ්‍යක්ෂණය කරනු ලැබ නුදුරේදීම එළිදැක්වීමට නියමිත 'විසල් ආදරේ' චිත්‍රපටයේ පූර්ව ප්‍රචාරක පටය එළිදක්වා තිබේ.
මෑතකදී පූර්ව ප්‍රචාරක පටයට ප්‍රථම චිත්‍රපටයේ රසවත් ගීත කිහිපය්ක එළිදැක්වීමට එහි නිෂ්පාදන කණ්ඩායම කටයුතු කළ අතර පූර්ව ප්‍රචාරක පටය නිකුත් වීමෙන් චිත්‍රපටය එළිදැක්වීමද ළඟදීම සිදු කෙරෙන බව එයින් අදහස් කෙරේ.
විසල් ආදරේ චිත්‍රපටය ශ්‍රී ලංකාව, ඕස්ට්‍රේලියාව, නවසීලන්තය, කැනඩාව, ඇමරිකා එක්සත් ජනපදය, එක්සත් රාජධානියේ සමගාමී ප්‍රදර්ශන සිදු කෙරෙන අතර සචින් ලියනගේ, රශිප්‍රභා සන්දීපනී, නිමේශ් වීරංග, ඩිනක්ශි ප්‍රියසාද් ප්‍රධාන චරිත රංගනයෙන් දායක වෙති.
දිල්ශි තත්සරණිගේ තිරපිටපතකි.
වාසව බදුගේ මීට පෙර ප්‍රදර්ශනය කෙරුණු 'ආදරණීය ප්‍රාර්ථනා' සිංහල චිත්‍රපටයේ අධ්‍යක්ෂකවරයා වන්නේය. යසස් මැදගෙදර එම චිත්‍රපටයේද සංගීත අධ්‍යක්ෂවරයා වේ.
මාර්තු මස සිට තිර ප්‍රදර්ශනය ඇරඹීමට නියමිත විසල් ආදරේ මේ වසරේ බෙහෙවින් බලාපොරොත්තු තැබූ චිත්‍රපටයක් වේ.
