මතු බුදු වෙන්නට සියවරක්
මා ඉදිරියේ නිති හිතන්නට වෙන
ගලිවර් පියවරු අබියස
ලිලිපුට්ටෙක්ව සැමදා සැඟවෙන
ආච්චිගේ කෝපි හොරකම් කොට
වැහිබර සන්ධ්‍යාව රසබර කරන
ඉදහිට එබී දොර රෙද්දෙන්
මව් අණ සිහිල් කර දොඩන
අප අතර ඇති බියකරු නිහැඬියා
බොරු හිනාවැලකින් පුපුරවන
රූපාවාහිනි පැයෙන් පැය පුවත
බිඩියක් එක්ක නිතර නොවරදින
ඉරිදා පත්තරයක අලුත් රස්සාවක්
"තාත්තේ" කියන කොට නිති හොයන
පිතු පාදං නොකිව්වාට
කිසිදා දොසක් නොකියන
තාත්තෙක් වෙන්න උගන්වන
තාත්තෙක් ඉන්නවා ගෙදර
Status දමා හද පුරා
Wish කරන්නට බැරි වුණ
- යුනේෂියාව කෘතියෙන් උපුටා මංජුල වෙඩිවර්ධන සිය ෆේස්බුක් ගිණුමෙහි පළ කළ කාව්‍යයකි.
