ෆහාද් ෆාසිල් හෙවත් 'ෆෆා' යනු මලයාලම් සිනමාවේ සුපිරි වීරයින් අතර එක් නළුවෙකි.
ෆෆාගේ බොලිවුඩ් ආගමනය ඉන්දියාවේ ජනප්‍රියම රංගන ශිල්පිනිය හැඳින්වීමට ලක් වූ ට්‍රිප්ටි දිම්රි සමග බව ඉන්දියාවේ 'ටයිම්ස් ඔෆ් ඉන්ඩියා' පසුගිය සතියේ වාර්තා කළ අතර ඔහුගේ අලුත්ම චිත්‍රපටය ගැනද රසිකයින්ට මාධ්‍ය ඔස්සේ විවිධ ඉඟි ලැබෙමින් පවතී.
ඒ ඉන්දියාවේ සාර්ථක සිනමා අධ්‍යක්ෂවරයකු වන ඉම්තියාස් අලීගේ 2025 වසරේ නිෂ්පාදනය කෙරෙන චිත්‍රපටයකින් බවය.
ඉම්තියාස් යනු ෆෆාගේ ප්‍රියතම බොලිවුඩ් අධ්‍යක්ෂවරුන් අතරින් එක් අයකු වීම හේතුවෙන් ඔහුද මේ ගැන ඉතා කැමැත්තෙන් පසු වන බව 'ටයිම්ස් ඔෆ් ඉන්ඩියා' පවසා තිබිනි. ලයිලා - මජ්නු චිත්‍රපටය වෙනුවෙන් ට්‍රිප්ටි මීට පෙර ඉම්තියාස් සමග කටයුතු කර තිබේ.
