කලාකරුවෙක්ට ජීවිතයේ එක් වතාවක් පමණක් හිමි වන "කලා භූෂණ" රාජ්‍ය සම්මානයෙන් ජනප්‍රිය ගායන ශිල්පී චන්ද්‍රසේන හෙට්ටිආරච්චි පිදුම් ලබා තිබේ.

මල් මල් විලේ, අම්මා ජීවන උයන්තෙරේ, ඔයා නිසා මගේ සිනා, කෙලෙසක කීවත් සහ නාවල අන්නාසි යනාදී ගීත ඔහුගේ ජනප්‍රිය ගීත කෙරෙන් අතලොස්සක් වන අතර සීත කඳු යායේ පළමු යුගල ගීතය චන්ද්‍රසේන ගායනා කරනු ලැබුවේ ගායන ශිල්පිනී චන්ද්‍රලේඛා පෙරේරා සමගය.
මේ වන විට ඔහු සිය ගායන ජීවිතයේ 45 වැනි වසර සපුරා තිබේ.