සන්නිවේදන කතිකාවතේ තවත් අදියරක් 17 වැනිදා
ශ්‍රී ලංකා පුවත්පත් මණ්ඩලය විසින් සංවිධාන කරනු ලබන සන්නිවේදන කතිකාවතේ තවත් එක් අදියරක් සැප්තැම්බර් 17 වැනිදා සවස 3 ට පැවැත්වීමට නියමිත ය.
ප්‍රවීන මාධ්‍යවේදී ආරියනන්ද දොඹගහවත්ත අනුවාදයක් වන “ගුරු පඬුරු” කෘතිය සහ සරත් ලාල් කුමාර සංස්කරණය කරන රුසියාව සඟරාව පිළිබඳ සංවාදයක් එදින පැවැත්වෙන අතර චිංගීස් ආයිත්මාතව්ගේ “ගුරු ගීතය” කෘතිය ඇසුරින් නිමවුණු රුසියානු මුල් චිත්‍රපටය ප්‍රදර්ශනය ද එදින සිදු කෙරේ.
මහාචාර්ය සුනන්ද මහේන්ද්‍ර, ආචාර්ය ඩබ්.ඒ. අබේසිංහ, කථිකාචාර්ය අරුණ ලොකුලියන, සාහිත්‍යවේදී චුලානන්ද සමරනායක, සිනමා විචාරක අජිත් ගලප්පත්ති එම සංවාද මණ්ඩපයට එක්වීමට නියමිත ය. වැඩසටහන මෙහෙයවීම ගාමිණි කන්දෙපොල විසිනි.
බොරැල්ල ශ්‍රී ලංකා පුවත්පත් මණ්ඩලයේ දී සිදු කෙරෙන මෙම සන්නිවේදන කතිකාවට එක්වන මෙන් ඔබටත් ඇරයුම්!
