“යොවුන් ගී මතක මංසල” සජීවී ගී ප්‍රසංගය මහරගම දී
බෙල්වුඩ් ආදි විද්‍යාථින්ගේ සංගමයට ආධාර පිණිස පවත්වනු ලබන ‘යොවුන් ගී මතක මංසල‘ සජීවී සංගීත ප්‍රසංගය එළැඹෙන දෙසැම්බර් 24 වන දින සවස 6.30ට මහරගම යොවුන් රඟහලේදී පැවැත්වීමට නියමිත ය.
මෙම ප්‍රසංගයේ විශේෂ ආරාධිතයා ලෙස බෙල්වුඩ් ආරම්භක සංගීත උපදේශක විශාරද ෂර්ලි වෛජයන්ත සහභාගි වන අතර, ගායනයෙන් චන්ද්‍රසේන හෙට්ටිආරච්චි, චන්දන ලියනාරච්චි, සෝමසිරි මැදගෙදර, විජේ බණ්ඩාර වැලිතුඩුව, මාධව ඉදිකැටිය, චන්ද්‍රලේඛා පෙරේරා, ශාන්ත ජයලත් තිසේරා ඇතුළු ජාතික තරුණසේවා සභාවේ බෙල්වුඩ් යොවුන් ගී කණ්ඩායමෙන් ගායන ක්ෂේත්‍රයට පිවිසි ගායක ගායිකාවන් රැසක් සහභාගි වේ.
ප්‍රසංගයේ සංගීත අධ්‍යක්ෂණය නුවන් සමරසිංහ ප්‍රමුඛ යූත් එක්ස්ට්‍රීම් සංගීත කණ්ඩායමෙනි. කථනය ප්‍රවීන නිවේදක සේනක උභයසිංහ විසින් සිදුකරන අතර, නර්තන වින්‍යාසය ජාතික තරුණසේවා නර්තන කණ්ඩායමෙනි.
