ඔස්කාර් සම්මාන දිනූ “Her” ආදරවන්තයන්ගේ දිනයේ දී ප්‍රදර්ශනය කෙරේ
සිනමා නිර්මාණකරුවන් සහ කලාකරුවන්ගේ සමූහය විසින් සංවිධාන කරනු ලබන සිනමා දැක්මක් සහ සංවාදයක් පෙබරවාරි 14 වැනි සිකුරාදා පැවැත්වීමට නියමිත ය.
කොස්වත්ත, බත්තරමුල්ල පිහිටි එදිරිවීර සරත්චන්ද්‍ර නාට්‍ය පුහුණු ආයතනයේ දී එදින සවස 2.30ට වැඩසටහන ඇරඹෙන අතර එහිදී අදහස් දැක්වීම සිනමා විචාරක බූපති නලින් වික්‍රමගේ විසිනි.
ස්පයික් ජෝන්ස්ගේ අධ්‍යක්ෂණයක් වන “Her” එදින වැඩසටහනේ දී ප්‍රදර්ශනය කිරීමට නියමිත ය. 2013 දී නිෂ්පාදනය කළ මෙම සිනමාපටය හොඳම මුල් පිටපතට හිමි ඔස්කාර් සම්මානය, හොඳම පිටපතට හිමි ගෝල්ඩන් ග්ලෝබ් සම්මානය ඇතුළු සම්මාන කිහිපයක්ම දිනා ගැනීමට සමත් විය.
එහි ප්‍රධාන චරිත මවන්නේ මෙවර ඔස්කාර් ඇතුළු ලෝක ප්‍රකට සම්මාන උලෙළ කිහිපයක දීම හොඳම රංගන ශිල්පියා ලෙස සම්මානයට පාත්‍ර වූ වකීන් ෆීනික්ස් විසිනි.
නොමිලේ පැවැත්වෙන සිනමා දැක්මට සහ සංවාදයට එක්වන මෙන් ඇරයුම්!
