චෙන්නායි එක්ස්ප්‍රස්හි තංගබලීගේ චරිතය රඟපෑ නිකිටින් ධීර් රිදී තිරයේ ජවාන් නැරඹීමෙන් අනතුරුව ජවාන් චිත්‍රපටයට සහ ෂාරුක් ඛාන්ට කළ සුබ පැතුමට ෂාරුක් ඛාන්ද සිය කෘතඥතාව පළ කර තිබේ.
මිලියන ගණනක සිනමා ලෝලීන්ගේ ආදරය දිනපතා ජවාන් චිත්‍රපටියට ලැබෙමින් පවතින අතර චිත්‍රපටි කණ්ඩායමේද ධනාත්මක ප්‍රතිචාරවලින් සමාජ මාධ්‍ය පිරී ඉතිරී යනු දක්නට ලැබේ. ක්‍රියාදාම-ත්‍රාසජනක චිත්‍රපටයක් වන ජවාන් හි ප්‍රශංසනීය රංගනය වෙනුවෙන් ෂාරුක් ඛාන් දිරිමත් කළ බොහෝ බොලිවුඩ් තාරකාද ඒ වූහ. චෙන්නායි එක්ස්ප්‍රස්හි ෂාරුක්ගේ සහාය නළු නිකිටින් ධීර්ද ජවාන් පිළිබඳව රසවත් ප්‍රතිචාරයක් නිකුත් කර තිබේ. ෂාරුක් ඛාන්ද මේ සුබ පැතුම පිළිගනිමින් "ස්තූතියි තංගබලී!!! ඔබ චිත්‍රපටිය රස විඳීම ගැන සතුටුයි. ඔබට මගේ ආදරය!" යනුවෙන් ප්‍රතිචාර දක්වා තිබේ.
මූලාශ්‍ර : පින්ක්විලා
