ශ්‍රී ලංකාවේ මෙතෙක් පහළ වූ ජනප්‍රියතම රංගන ශිල්පියා ලෙස නම් දැරූ විජය කුමාරතුංගයන්ගේ ජන්ම දිනය එළඹෙන ඔක්තෝබර් 09 වැනිදාට යෙදී තිබේ.
ජීවත්ව සිටියේ නම් ඔහුගේ වයස මේ වසරේ උපන්දිනය වන විට වසර 78ක් විය යුතු අතර ඔහුගේ ජන්ම දිනය විවිධාකාරයෙන් සැමරීමට යොමු වන පාර්ශ්ව ගණනාවක් අපට එම දිනය වන විට දකින්නට ලැබීම සාමාන්‍ය සිදුවීමකි.
කෙසේ වුවද විජය කුමාරතුංගයන් නිර්මාතෘ වන ශ්‍රී ලංකා මහජන පක්ෂය නිවේදනය කරන්නේ විජය කුමාරතුංගයන්ගේ උපන්දින සැමරුමේ සංවිධාන කටයුතු සහභාගීත්වයට මේ වසරේ සිට 'We Are One ' සංවිධානය සම්බන්ධ වන බවය.
ඒ අනුව එයට අදාළ මාධ්‍ය හමුවක් හෙට (27) දිනයේදී කොළඹ ජාතික පුස්තකාල ශ්‍රවණාගාරයේදී පස්වරු 1.30ට පැවැත්වීමට කටයුතු යොදා ඇති බව එම පක්ෂය නිවේදනය කරයි.