මංගල දර්ශනය ඔක්තෝබර් 07 වැනිදා දකුණු කොරියාවේ බූසාන් නගරයේ තිරගත වීමට නියමිත සිනමා අධ්‍යක්ෂ ප්‍රසන්න විතානගේ ගේ 'පැරඩයිස්' සිනමාපටය ඉන්දීය ජනප්‍රිය සහ සාර්ථක අධ්‍යක්ෂවරයෙකු වන මනිරත්නම් හිමිකාරීත්වය දරන 'මැඩ්‍රාස් ටෝකීස්' ආයතනයේ මැදිහත්වීමෙන් ලොව පුරා කටයුතු කිරීමට සූදානම් වෙයි.
මලයාලම් භාෂාවෙන් නිමැවූ සිනමා කෘතිය මලයාලම් නළු රෝෂන් මැතිව් සහ දර්ශනා රාජේන්ද්‍රන්ගේ ප්‍රධාන රංගනයෙන් සමන්ත වේ.
චිත්‍රපටයේ නිෂ්පාදන අනුග්‍රහය දක්වා ඇත්තේද කේරළ චිත්‍රපට සමාගමක් වන නිව්ටන් සිනමා සමාගමයි.
මහේන්ද්‍ර පෙරේරා, ශ්‍යාම් ප්‍රනාන්දු, සංජීව දිසානායක ශ්‍රී ලාංකික රංගන ශිල්පීහු මේ සඳහා දායකත්වය දක්වයි.
