2026 FIFA ලෝක කුසලාන පාපන්දු අවසන් තරගය අතරතුර ඉතිහාසයේ පළමු වරට සංවිධානය කළ අර්ධ කාලීන (Halftime Show) සංගීත ප්‍රසංගය ජූලි 19 වනදා ඇමෙරිකාවේ නිව්යෝර්ක්–නිව් ජර්සි ක්‍රීඩාංගණයේදී පැවැත්වුණු අතර, එය ක්‍රීඩාංගණයේ සිටි සහ ලොව පුරා නැරඹූ ප්‍රේක්ෂකයන්ගේ දැඩි අවධානය දිනාගත්තේය.

ආර්ජන්ටිනාව සහ ස්පාඤ්ඤය අතර පැවති අවසන් තරගයේ පළමු අර්ධය තියුණු තරගයක් ලෙස නිමාවූ අතර, විනාඩි 11ක් පුරා පැවති මෙම විශේෂ සංගීත ප්‍රසංගය තරගයේ උණුසුම අතර ප්‍රේක්ෂකයන්ට විනෝදාස්වාදය රැගෙන ආවේය.

මෙම අර්ධ කාලීන ප්‍රසංගයේ ප්‍රධාන රංගන ශිල්පීන් ලෙස ලොව ප්‍රකට ගායිකාව Madonna, පොප් තරුව Justin Bieber, කොලොම්බියානු ගායිකා Shakira සහ දකුණු කොරියානු ජනප්‍රිය සංගීත කණ්ඩායම BTS එක්ව සිටියහ.

 

 

ප්‍රසංගය ආරම්භ කරමින් Madonna සිය ජනප්‍රිය ගීත කිහිපයක් ඉදිරිපත් කළ අතර, ඇය සමඟ බ්‍රසීල පාපන්දු පුරාවෘත්තයන් වන Ronaldo සහ Ronaldinho ද වේදිකාවේ පෙනී සිටියහ. ඉන් අනතුරුව, ප්‍රසිද්ධ වෙනිසියුලානු වාද්‍ය වෘන්ද නායක Gustavo Dudamel වෙත ප්‍රසංගයේ නායකත්වය භාර දෙන ලදී.

 

 

එහිදී BTS කණ්ඩායම තමන්ගේ ලොව පුරා ජනප්‍රිය වූ "Dynamite" ගීතය ඉදිරිපත් කරමින් ප්‍රේක්ෂකයන් උද්දීපනය කළේය.

 

 

ඉන් අනතුරුව ජනප්‍රිය රූපවාහිනී චරිතයක් වන Ted Lasso විසින් Justin Bieber වේදිකාවට හඳුන්වා දුන් අතර, පසුව Shakira සහ Burna Boy ද සිය සංගීත රංගන ඉදිරිපත් කළහ.

 

 

මෙම කලාකරුවන් ජාත්‍යන්තර පාපන්දු තරු සමඟ එකම වේදිකාව බෙදා ගත් අතර, ඔවුන් සියලුදෙනා එක්ව Grammy සම්මාන 13ක් හිමිකරගෙන ඇති ලොව ප්‍රමුඛ සංගීත ශිල්පීන් ලෙස

සැලකෙති.

 

 

ප්‍රසංගයට Coldplay සමඟ එක් වූ PS22 Chorus ළමා ගායන කණ්ඩායම ද සහභාගී වූ අතර, උගන්ඩාවේ Ghetto Kids නර්තන කණ්ඩායම Shakira සමඟ විශේෂ නර්තන අංගයක් ඉදිරිපත් කළේය.