"...එතකොට ඔයාට පේනවද අර තියෙන තිරිඟු යාය?? දන්නවනෙ මම පාන් කන්නේ නෑ. ඉතින් මට ඔය තිරිඟුවලින් සත පහක වැඩක් නැහැ වගේම ඕවගේ කිසිම විශේෂයක් පේන්නෙත් නෑ. ඒ වුණත් ඔයාට තියෙන්නේ කැරළි ගැහුණ රත්තරන් පාට කොණ්ඩයක්.

දැන් ඔයාට තේරෙනවද ඔයා මට ආදරේ වුණොත් වෙන්න පුළුවන් දේ? හොඳට පැහුණු තිරිඟුත් රත්තරන් පාටයි. හරියටම ඔයාගෙ කොන්ඩේ පාට වගේමයි. ඒ නිසා තිරිඟු දකින වාරයක් වාරයක් ගානේ මට ඔයාව මතක් වේවි. ඒ විතරක් නෙවෙයි තිරිඟු යාය මැද්දෙන් හුළඟ හමන සද්දෙටත් මම ආදරේ කරන්න පටන් ගනීවි.."

කතාව මොහොතකට නැවැත්වූ නරියා ඉතා දිගු වෙලාවක් පුංචි කුමාරයා දෙස බලා සිටියේය. අනතුරුව,

"අනේ මට ආදරේ වෙන්න.." ඌ අයැදුවේය.

(The Little Prince)

පරිවර්තනය - නදී කම්මැල්ලවීර