නාගා චෛතන්‍යා සහ ඔහුගේ බිරිඳ වීමට නියමිත නිළි ශෝභිතා දුලිපාලා සමග විවාහය එළඹෙන දෙසැම්බර් 04 වැනිදා පැවැත්වීමට නියමිත බව නාගාගේ පවුල විසින් ප්‍රසිද්ධ කරනු ලැබ තිබේ.
නාගා සහ සෝභිතාගේ විවාහ ගිවිස ගැනීම ප්‍රචාරය හේතුවෙන් නාගාගේ පළමු බිරිඳ වන ජනප්‍රිය නිළි සමන්තාද පසුගිය සමයේ වැඩියෙන් අවධානයට ලක් වූ අතර මීළඟට ඔවුන්ගේ විවාහය හේතුවෙන්ද සමන්තා ඉදිරියේදීද අවධානය ලබන චරිතයක් වනු ඇත.
නාගා චෛතන්‍යා සමග විවාහ ගිවිස ගත්තේ ඉන්දීය රූප රාජිනියක් වන සෝභිතා දුලිපාලා වන අතර හයිද්‍රාබාද්හි චෛතන්‍යාගේ නිවසේ පෞද්ගලික චාරිත්‍රානුකූලව ඔවුන්ගේ විවාහ ගිවිස ගැනීම මීට මාස කිහිපයකට පෙර සිදු කර තිබිණි.
