අලුත්ම කතා තේමාවක් රැගත් ජාතික රූපවාහිනියේ අලුත්ම නාට්‍යය වන්නේ 'අමුතු දොස්තර' මේ වන විට කොටස් 04ක් දක්වා විකාශය වී අවසන්ය.
මේ කොටස් 04ටම බෙහෙවින් යහපත් ප්‍රතිචාර මේ වන විට හිමි වෙමින් පවතින අතර සමාජ ජාලවල පවා ඒ ගැන කතාබහට ලක් වෙන බවක් පෙනෙන්නට තිබේ.
කෝරලගේ සමන්ගේ අධ්‍යක්ෂණයෙන් ප්‍රේක්ෂකයා අතරට එන ටෙලිනාට්‍යයේ සේමිණි ඉද්දමල්ගොඩ, කලණි දොඩන්තැන්න, සම්පත් ජයවීර, ශ්‍යාම් ප්‍රනාන්දු යන රංගන ශිල්පීහු රැසක් දායක වී ඇත.
සුසිත් විජේමුණි, දිල්ශිකා රාජපක්ෂගේ තිර රචනයෙන්, චින්තක සෝමකීර්ති කැමරාකරණයෙන්, රංගන සිතාරගේ සංස්කරණයෙන්, නිලන්ත කොටිකාවත්තගේ නිෂපාදන දායකත්වය සහිත 'අමුතු දොස්තර' නොබැලූ අයට නැරඹීමට ජාතික රූපවාහිනියේ යූටියුබ් නාලිකාව ඔස්සේ හැකියාව සලසා තිබේ.
