රාජිනී, සිත නිදි නෑ, සිඳු, සිකුරු ඇවිත් වැනි ටෙලිනාට්‍ය අධ්‍යක්ෂණය කළ තිළිණ බොරලැස්සගේ කුළුඳුල් සිනමා අධ්‍යක්ෂණය වන 'මං හොයන්නේ ප්‍රේමයක්' චිත්‍රපටය නුදුරේම සිනමා රසිකයින් වෙත තිළිණ කිරීමට නියමිතය.

'මං හොයන්නේ ප්‍රේමයක්'හි ප්‍රධාන චරිතය 'මේධාන්' ලෙසින් ජනප්‍රිය නළු දර්ශන් තවරාජා රංගනයෙන් දායක වන අතර ජනප්‍රිය නිළියක වන අභිලාශි සන්තුෂ්කි ප්‍රධාන නිළිය ලෙසින් චිත්‍රපටය හා සම්බන්ධ වේ.
මන්ජිත ලෙස කුසල් මධුරංග සහ දිනූෂ දිසානායක වැනි නළුවන් සම්බන්ධ වන චිත්‍රපයේ සංගීත අධ්‍යක්ෂණය තිළිණ තාරකගෙනි. තිළිණ විසින් සිත නිදි නෑ, රාජිනී, සිකුරු ඇවිත්, ශක්ති, Race වැනි ටෙලිනාට්‍ය බොහොමයක සංගීත අධ්‍යක්ෂණය කරනු ලැබ තිබේ.
මුතු පිහාටු, ඉඳුවරී, තව දුරයි ජීවිතේ වැනි ටෙලිනාට්‍ය බොහොමයක තිර රචනය සිදු කළ ජනප්‍රිය තිර රචිකාවියක වන අනෝමා විජයවර්ධනගේ කුළුඳුල් සිනමා තිර රචනය වන්නේ 'මං හොයන්නේ ප්‍රේමයක්' වේ.
US‍Y සමූහ ව්‍යාපාරයේ නිර්මාතෘ US‍Y අජිත් නිෂ්පාදනයෙන් දායක වන චිත්‍රපටය ඔහුගේද කුළුදුල් නිෂ්පාදන දායකත්වයයි.