විදේශ කටයුතු, විදේශ රැකියා සහ සංචාරක අමාත්ය විජිත හේරත් අද (19) ජනප්රිය ඉන්දීය නළුවෙකු සහ නිෂ්පාදකයෙකු වන රවී මෝහන් සහ ගායිකා කෙනිෂා ෆ්රැන්සිස් හමුවූවා.
ඒ ජාතික චිත්රපට සංස්ථාවේදීයි.
මෙහිදී ශ්රී ලංකාව තුළ චිත්රපට සංචාරක ව්යාපාරය නංවාලීම අරමුණු කර ගෙන කරුණු රැසක් සාකච්ඡාවට ගෙන තිබෙනවා.
ඒ අනුව ඉදිරියේ දී ශ්රී ලංකාවේ සංචාරක ස්ථාන සහ ශ්රී ලංකාවේ පොහොසත් සංස්කෘතිය ප්රවර්ධනය කරන චිත්රපට නිෂ්පාදනය ගැන මෙන්ම සංගීත ප්රසංග ව්යාපෘති පිළිබඳව ද මෙහිදී අවධානයට ලක් වී තිබෙනවා.
විශේෂයෙන්ම ශ්රී ලංකාවේ තිබෙන සිත් ඇදගන්නාසුළු ස්ථාන වෙත ආකර්ශනීය කතා සහ විදෙස් නිෂ්පාදන වැඩි වශයෙන් ගෙන්වා ගැනීමට පිළිබඳව මෙහිදී විශේෂ අවධානය යොමු වූවා.
මෙම අවස්ථාවට ජාතික චිත්රපට සංස්ථාවේ සභාපති සුදත් මහදිවුල්වැව ඇතුළු පිරිසක් ද සහභාගී වූවා.
පහතින් දැක්වෙන්නේ එම අවස්ථාවේ ඡායාරූප කිහිපයක්.
(ඡායාරූප උපුටා ගැනීම 'Vijitha Herath' නිල ෆේස්බුක් පිටුව ඇසුරිනි)
