දෙවන ලෝක යුධ සමයේදී ජර්මානු නාසි හමුදා විසින් නෙදර්ලන්තයේ ඇම්ස්ට්රඩෑම් නගරයෙන් සොරකම් කරන ලද වටිනා චිත්රයක් නැවතත් අනපේක්ෂිත ලෙස සොයා ගැනීමට එරට පොලිසිය සමත් වී තිබෙනවා.
ඒ ආජන්ටිනාවේ බුවනෝස් අයර්ස් නගරයෙන්.
ඉතාලි ජාතික චිත්ර ශිල්පියෙකු වන Giuseppe Vittore විසින් 18 වන සියවසේදී අඳින ලද "Portrait of a Lady" ලෙස හැදින්වෙන මෙම චිත්රය ඇතුළු තවත් චිත්ර දහස් ගණනක් 1940 වර්ෂයේදී නාසීන් විසින් නෙදර්ලන්තය ආක්රමණය කිරීමෙන් පසු සොරකම් කර තිබුණා.
මෙම චිත්රය සොයා ගැනීමට හැකිවී තිබෙන්නේ එම නාසි හමුදා නිළධාරියෙකුට අයත්ව තිබූ නිවසක් අලෙවි කිරීම සදහා ඔහුගේ දියණිය අන්තර්ජාලයේ පළ කර තිබූ දැන්වීමකින් පසුවයි.
එම දැන්වීම සහිත ඡායාරූපයේ අදාළ නිවසේ සෝෆාව අසල එල්ලා තිබෙන මෙම වටිනා චිත්රය දර්ශනය වී තිබෙනවා.
Giuseppe Vittore විසින් අඳින ලද “Portrait of a Lady” චිත්රය අදාල දැන්වීම සහිත ඡායාරූපයේ දිස්වූ අකාරය
Giuseppe Vittore විසින් අඳින ලද “Portrait of a Lady” චිත්රය
