දසවන දෙරණ - ලක්ස් සිනමා සම්මාන උළෙල (2025) ඊයේ (19) පස්වරුවේ කොළඹ, නෙළුම් පොකුණ රඟහලේදී උත්කර්ෂවත් අයුරින් පැවැත්වුණා.
මෙරට ජනප්රිය කලාකරුවන් රැසකගේ සහභාගිත්වයෙන් පැවැති මෙම සිනමා සම්මාන උළෙලේ දී 2024 වසරේ දී තිරගත වූ සිනමාපටයන් හි දක්ෂතා දැක්වූවන් ඇගයීමට ලක් කළේය.
සම්මාන උළෙලේදී හොඳම නළුවා ලෙසින් සම්මානයෙන් පිදුම් ලැබුවේ හේමාල් රණසිංහයි. සමීර නාඔටුන්න අධ්යක්ෂණය කළ 'සිහින නෙළුම් මල්' චිත්රපටයේ හේමාල් රංගනයෙන් එක්වූ “සහන්” ගේ චරිතයේ රංගනය වෙනුවෙනි ඔහුට මෙම සම්මානය හිමි වූයේ.
හොඳම නිළිය සම්මානයෙන් පිදුම් ලැබුවේ රශිප්රභා සංදීපනීය. වාසව බදුගේ විසින් අධ්යක්ෂණය කළ ‘විසල් ආදරේ’ චිත්රපටයේ “තාදි” චරිතය වෙනුවෙන් ඇයට මෙම සම්මානය හිමි විය.
සම්මාන උළෙලේ දී හොඳම සහය නළුවා ලෙසින් සජිත අනුත්තර සහ ශ්යාම් ප්රනාන්දු සම සම්මානයෙන් පිදුම් ලැබීය. ඒ චන්න දේශප්රිය අධ්යක්ෂණය කළ ‘දූස්රා’ (Doosra) චිත්රපටය වෙනුවෙනි.
සම්මාන උළෙලේ දී හොඳම සහය නිළිය ලෙසින් දිනක්ෂි ප්රියසාද් සම්මානයෙන් පිදුම් ලැබීය. ඒ වාසව බදුගේ අධ්යක්ෂණය කළ 'විසල් ආදරේ' චිත්රපටය වෙනුවෙනි.
දෙරණ දසවන ලක්ස් සිනමා සම්මාන උළෙලේදී වසරේ හොඳම චිත්රපටයට හිමි සම්මානය ජයග්රහණය කළේ චන්න දේශප්රිය අධ්යක්ෂණය කළ ‘දූස්රා’ (Doosra) යි.
සම්මාන උළෙලේදී වසරේ ජනප්රියතම නළුවා සම්මානයෙන් සජිත ඇන්තනී පිදුම් ලැබූ අතර ජනප්රියතම නිළිය සම්මානය හිමි වූයේ නෙත්මි රොෂෙල් හටයි.
මතු දැක්වෙන්නේ සම්මාන උළෙලේදී සම්මාන බෙදී ගිය ආකාරයයි.
( තොරතුරු සහ ඡායාරූප TV දෙරණ නිල ෆේස්බුක් පිටුව ඇසුරිනි)
