ඉමහත් රසික ආදරයට පාත්‍ර වෙමින් මේ වන විට දිවයින පුරා සිනමා ශාලා වලදී තිරගත වන “නීරා” චිත්‍රපටයේ ජයහ්‍රාහී දින 50 සැමරුම හැව්ලොක් සාප්පු සංකීර්ණයේ ස්කෝප් සිනමා පරිශ්‍රයේ දී පසුගිය දා පැවැත්විණි.

මෙම අවස්ථාවට චිත්‍රපටයේ රංගන ශිල්පීන්, නිෂ්පාදන කණ්ඩායම ඇතුළු පිරිසක් සහභාගී විය.

වාසව බදුගේ විසින් අධ්‍යක්ෂණය කළ “නීරා” චිත්‍රපටය දිවයින පුර සිනමා ශාලාවලදී තිරගත කිරීම් ආරම්භ කරනු ලැබුවේ පසුගිය සැප්තැම්බර් 19  වනදා සිටයි.

ඒ අනුව වාර්තා වලට අනුව මේ වන විට ශ්‍රී ලංකාව තුළදී පමණක් ප්‍රේක්ෂකයන් 370,000කට අධික පිරිසක් චිත්‍රපටය නරඹා තිබෙන රුපියල් කෝටි 20ක් (මිලියන 200ක) බොක්ස් ඔෆිස් ආදායමක් වාර්ථා කිරීමට සමත් වී තිබෙනවා.

වාසව බදුගේගේ තුන්වන වාර්තාගත සිනමා නිර්මාණය වන “ නිරා” චිත්‍රපටය නිෂ්පාදනය කළේ ලාලින්ද විජේවික්‍රම සහ හිරුණි සිතාරා බදුගේ විසින්.

ජයග්‍රාහී දින 50 සැමරුම වෙනුවෙන් චිත්‍රපටයේ නිෂ්පාදන කණ්ඩායම ඇතුළු නළු නිළියන් සැමට mirror arts අපගේ උණුසුම් සුබ පැතුම්.

මතු දැක්වෙන්නේ පසුගියදා පැවැති "නීරා" චිත්‍රපටයේ 50 වන දින සැමරුමේ ඡායාරූප කිහිපයක්.

ඡායාරූප හිමිකම  Charuka Perera Event Photography සතුයි.