ලොවම තම වසඟයට ගත් සුරූපී රංගන ශිල්පිනී එමා වොට්සන් මේ දිනවල දැඩි කනස්සල්ලකින් පසුවනවා.

ඒ තමන් වඩාත් ආදරය කළ වස්තුවක් ඇයට අහිමිවීම හේතුවෙන්.

ඇයට මෙලෙස අහිමිව ඇත්තේ ඇයගේ අතේ නිතරම රැඳුනු රිදී පැහැති මුදු තුනයි.

පසුගිය දිනෙක ඇය Mandarin Oriental Spa හිදී මෙලෙස තම මුදු ගැලවූ බවත් නැවතත් එය ගැනීමට අමතකව නිවසට පැමිණ ඇති බවත් වාර්තා වනවා.

පසුව ඇය කඩිනමින් එම ආයතනයට දුරකථන ඇමතුමක් දී ඇති අතර පසුව ඔවුන් විසින් පවසා ඇත්තේ එහි එම මුදු නොමැති බවයි.

මේ සිදුවීමත් සමඟ එමා මහත් කනස්සල්ලෙන් පසුවන බවයි විදෙස් මාධ්‍ය වාර්තා කර ඇත්තේ.

එයට හේතුවී ඇත්තේ නැතිවී ඇති මුදු තුනෙන් එකක් ඇයගේ මව විසින් එමා ගේ 18 වන උපන් දිනය දා ඇයට තෑගි දුන් එකක් වීමයි.

එම මුදුව එමා ඉපදුනු දිනට පසුදින ඇයගේ මව වන Jacqueline Luesby විසින් මිලදීගෙන ඇති බවටයි වාර්තා වන්නේ.

එතැන් පටන් එමාගේ මව විසින් එම මුදුව ගලවා නොමැති බවයි ඇය සංවේදීව ප්‍රකාශ කර ඇත්තේ.

කෙසේ වෙතත් ඇය එදින  Mandarin Oriental Spa වෙත පැමිණි සිටි රසික රසිකාවියන්ගෙන් ඉල්ලා ඇත්තේ එම මුදු තුන වැරදීමකින් අහුලාගෙන ඇත්නම් තමන්ට එය නැවත ලබාදෙන ලෙසටයි.

අනතුරුව ඒ පිළිබඳව නැවත ප්‍රශ්න නොකරන බවද එම නිවේදනයේ ඇය විසින් විශේෂයෙන් සටහන් කර තිබෙනවා.