එදා මෙදා තුර බොලිවුඩයේ සුපිරි රංගන ශිල්පී අමිතාබ් බච්චන් සිය ට්විටර් ගිණුමේ අනුගාමිකයන් සංඛ්‍යාව මිලියන 28 ඉක්මවා තිබේ.

තමා සමඟින් දිගින් දිගටම රැඳී සිටීම පිළිබඳව රසිකයන්ට ස්තුතිවන්නටත් ඔහු අමතක කලේ නැහැ.

ඒ සිය ට්විටර් ගිණුමට පණිවිඩයක් සටහන් කරමින්.

“ට්විටර් ගිණුමේ මිලියන් 28 යි....!!!! එයින් පෙන්වන්නේ මගේ හිතවතුන්ගේ ආදරය සහ ස්නේහය යි. ස්තුතියි ඔබ සැමට. ඊළඟ මිලියන 30 ටත් එක්කම.!!!”

74 හැවිරිදි වියේ පසුවන අමිතාබ් සමාජජාල තුළ ඉතාමත් ක්‍රියාකාරී පුද්ගලයෙකි. ඔහුගෙන් පසුව බොලිවුඩයේ රජු ශාරුක් කාන් මිලියන 26.3, සල්මන් කාන් මිලියන 24.1, අමීර් කාන් මිලියන් 21.4  ට්විටර් අනුගාමිකයන් සංඛ්‍යාවකට හිමිකම් කියයි.

බිග් B යන නාමයෙන් ද හඳුන්වන අමිතාබ් බච්චන් මේ වන විට “තග්ස් ඔෆ් හින්දුස්ථාන්” සඳහා සිය රංගන දායකත්වය ලබා දෙයි.