හෝම් අලෝන් සිනමාපටය තුලින් ප්‍රේක්ෂක ආදරය දිනාගත් රංගන ශිල්පී ජෝන් හර්ඩ් සිය දිවියෙන් සමුගෙන තිබේ.

71 වියේ පසු වූ ඔහුගේ මළ සිරුර ඇමරිකාවේ කැලිෆෝනියා නුවර පලෝ ඇල්ටෝ හෝටල් කාමරයක් තුළ තිබී පසුගිය සිකුරාදා සොයා ගෙන ඇත.

කොඳු ප්‍රදේශයේ සිදු කළ සුළු සැත්කමකින් අනතුරුව විවේක ගැනීම සඳහා ඔහු හෝටලයේ රැඳී සිට ඇති බව වාර්තා වේ.  

මරණයට හේතුව තවමත් පැහැදිලි නැත.

1990 තිරගත වූ හෝම් අලෝන් සිනමාපටයේ ප්‍රධාන චරිතය රඟ පෑ දරුවාගේ පියා ලෙස රංගන දායකත්වය ලබා දුන් ජෝන් හර්ඩ් රසික ජනතාව අතර නොමැකෙන මතක සටහන් තබා තිබුණි.

කටර්ස් වේ, C.H.U.D. සහ ග්ලැඩියේටර් වැනි සුප්‍රකට චිත්‍රපට සඳහා ද ඔහු දායකත්වය ලබා දී තිබේ.