“තෝර්” කියන්නේ හොලිවුඩයේ මැවුණු, ප්‍රේක්ෂක හිත් දිනාගත් තවත් එක් සුපිරි වීරයෙක්.
තෝර් පළමු සිනමාපටය රසිකයන් අතරට පැමිණියේ 2011 වසරේදීයි. එහි දෙවන නිර්මාණය තෝර් ද ඩාක් වර්ල්ඩ් නමින් 2013 දී නිකුත් වුණා.
එහි නවතම සිනමාපටය තෝර් රැග්නරොක් නමින් ඔබ වෙත පැමිණීමට නියමිතව ඇත්තේ එළැඹෙන නොවැම්බර් තෙවනිදායි.
රැග්නරොක්හි ට්‍රේලර්පටය පසුගියදා නිකුත් වුණා.
සුපුරුදු පරිදි සිනමාපටයේ ප්‍රධාන චරිතය සඳහා ක්‍රිස් හෙම්ස්වර්ත් රංගන දායකත්වය ලබා දෙයි.
චිත්‍රපටය අධ්‍යක්ෂණය ටයිකා වයිටිටි විසිනි.
බලගතු තෝර් විශ්වයේ එක් පසෙක සිරගත කොට ඇත. හෙලා නම් ඔහුගේ විරුද්ධවාදියා පරදා අස්ගාර්ඩ් සිය උපන්බිමත් එහි ප්‍රජාවත් සුරැකීමට ඔහුට හැකි වේවිද? එය දැනගන්න නම් නොවැම්බර් වනතෙක් ඔබට ඉන්නට සිදු වේවි.
