“ජස්ටිස් ලිග්” කියන්නේ ඉදිරියේදී තිරගත වීමට නියමිත, සුපිරි වීරයන්ගේ එකතුවකින් සෑදුනු සිනමාපටයක්.
වන්ඩර් වුමන්, ඇක්වාමෑන්, බැට්මෑන්, සුපර්මෑන්, ෆ්ලෑෂ් ලෝකය බේරා ගැනීමට සතුරාට එරෙහිව සටන් වදින අයුරු මේ චිත්‍රපටයෙන් ඔයාලට දැක ගන්න පුළුවන්.
ජස්ටිස් ලිග් තිරගත වීමට නියමිත වන්නේ එළැඹෙන නොවැම්බර් 17 වැනිදා.
එහි ප්‍රථම දර්ශනය ඇමරිකා එක්සත් ජනපදයේදී පැවැත්වීමට සුදානම් කර තිබෙනවා.
ක්‍රියාදාම, වික්‍රමාන්විත වගේම ෆැන්ටසි ගණයේ චිත්‍රපටයක් වන මේ සඳහා හොලිවුඩයේ සුපිරි රංගන ශිල්පින් ශිල්පිනියන් රැසක් සිය දායකත්වය සපයනවා.
ගල් ගඩොට් (වන්ඩර් වුමන්), රොබින් රිග් (ඇන්ටියෝප්), ජේසන් මැමෝආ (ඇක්වාමෑන්), බෙන් ඇෆ්ලෙක් (බැට් මෑන්), හෙන්රි කැවිල් (සුපර්මෑන්), එස්රා මිලර් (ෆ්ලෑෂ්), කොනි නිල්සන් (ක්වින් හිපොලයිටා) සහ තවත් සුප්‍රකට හොලිවුඩ් නළු නිලියන් ජස්ටිස් ලිග් තුලින් දැකගත හැකියි.
චිත්‍රපට අධ්‍යක්ෂණය සැක් ස්නයිඩර් විසින්.
