ලෝක ටෙනිස් කීඩා ශූරිය සෙරීනා විලියම්ස් ෆ්ලොරිඩා රෝහලක දී දියණියකට උපත ලබා දෙමින් පළමු වරට මවක් බවට පත් වූවාය.

35 හැවිරිදි සෙරීනා දියණියට උපත ලබා දී ඇත්තේ ෆ්ලොරිඩාහි පිහිටි ශාන්ත මේරි රෝහලේදීය.

ඇය ගර්භනීව සිටිය දී ඔස්ට්‍රේලියානු විවෘත ටෙනිස් ශූරතාව දිනාගැනීමට සමත් වුවාය.

ටෙනිස් මහා තරග විසි තුනක් ජය ගනිමින් ලෝක වාර්තාවකට උරුමකම් කියන සෙරීනා මව් පදවිය ලැබීම වෙනුවෙන් ලොව පුරා වෙසෙන ඇගේ සහෘදයන් ශුභ පැතුම් පිරිනැමීමට කටයුතු කර තිබුණි.

සෙරීනා විවාහ වී සිටින්නේ රෙඩිට් (Reddi) වෙබ් අඩවියේ සම නිර්මාතෘ වන ඇලෙක්සිස් ඔහානියන් සමඟය.