Mirrorarts-70 දශකයේ ජනප‍්‍රිය සිනමාවේ ජනප‍්‍රිය රංගන ශිල්පිණියක වූ ගීතා සමන්මලී කුමාරසිංහ රසික සිත් අමන්දානන්දයට පත් කළ රංගන වේදිනියක් විය.පසුගිය දින එනම් සැප්තැම්බර් 02දින ගීතා කුමාරසිංහ කලාකාරිනිය නිවසේ ඇතිවූ ගෑස් කාන්දුවීමකින් සිදුවූ හදිසි අනතුරකින් පසු පිලිස්සීමකට ලක්ව නාරාහේන්පිට ලංකා හොස්පිට්ල් හි දැඩි සත්කාර ඒකකයේ ප‍්‍රතිකාර ලබමින් සිටී.

මිරර් ආර්ට්ස් වෙත අදහස් එක්කරමින් ප‍්‍රවීණ රංගන වේදීනි මාලිනී ෆොන්සේකා මහත්මිය පැවසුවේ සංගීතා වීරරත්න සහ ශෙරීන් කුමාරතුංග ගේ මූලිකත්වයෙන් ගීතා කුමාරසිංහ සහෝදර රංගන ශිල්පිණිය වෙනුවෙන් ඇයට ඉක්මන් සුවය පතා හෙට දින එනම් සැම්තැම්බර් මස 04 දින සවස 6.00ට බෙල්ලන්විල රජමහාවිහාරයේ දී බෝධිපූජාවක් පවත්වන්නට කටයුතු සංවිධානය කොට ඇති බවයි. මේ සඳහා සිනමා රසික රසිකාවියන්ට මෙන්ම සහෝදර රංගන වේදීන්ට සහ වේදිනියන්ට එම අවස්ථාවට සහභාගී වනලෙස මාලිනී ෆොන්සේකා මහත්මිය ඉල්ලීමක් කරන ලදී;

කලාකරුවනි රසික සහෘදයණි ලාංකේය සිනමාවේ ජනප‍්‍රිය රංගන ශිල්පිණියක් වූ ගීතා කුමාරසිංහ මහත්මියට සෙත්පතා පවත්වනු ලබන විහේෂ බෝධිපූජා පිංකම සඳහා 04වන දින සවස 6.00ට බෙල්ලන්විල රජමහා විහාරස්ථානයට එකතුවන්න.

ආදරණීය ගීතා ඔබට ඉක්මන් සුව ලැබේවා!!