කොලිවුඩ් රංගන ශිල්පිනි ජෝතිකා පිළිබඳව අලුත්ම පුවතක් මිරර් ආට් වෙත වාර්තා වුණා.
ඒ ඇය සිය රංගන දායකත්වය ලබා දීමට නියමිත සිනමාපටය සම්බන්ධයෙන්.
සුප්‍රකට සිනමාකරු මනි රත්නම්ගේ චිත්‍රපටයක ප්‍රධාන චරිතයක් ඔස්සේ ජෝතිකාගේ මීළඟ රංගන හැකියාවන් දැක බලා ගැනීමට අපට අවස්ථාව උදා වන බවයි ඇය එරට මාධ්‍ය වෙත පවසා ඇත්තේ.
ඒ සඳහා ගිවිසුම් අත්සන් කළ බවත් එහිදී ඇය පවසා තිබෙනවා.
සැප්තැම්බර් 15 වැනිදා තිරගත කිරීමට සුදානමින් සිටින, සිය සැමියා විසින් නිෂ්පාදන කටයුතු මෙහෙයවූ මගලිර් මත්තුම් චිත්‍රපටයේ ප්‍රචාරක වැඩසටහනකට සහභාගී වූ අවස්ථාවේදී ජෝතිකා මේ බව පවසා ඇත.
