ගූගල් අන්තර්ජාල සෙවුම් යන්ත්‍රයේ Sex නැමැති වචනය වැඩිම වාර ගණනක් අඛණ්ඩව සොයා ඇති රට බවට ශ්‍රී ලංකාව පත්ව ඇති බවට සියලු මාධ්‍යන් ඔස්සේ ප්‍රචාරය විය.
එයින් ශ්‍රී ලංකාවේ නගරයක් ලෙස ගත්විට වැඩිම පිරිසක් Sex නැමැති වචනය සොයා ඇත්තේ බස්නාහිර පළාතේ හෝමාගම නගරයේ වන අතර පාසල් නිවාඩු කාලය පැමිණෙන අගෝස්තු හා දෙසැම්බර් මාස තුළදී Sex වචනය වැඩි ලෙස භාවිත කර ඇති බවට ද එම වාර්තාවන් හි සඳහන්ය විය.
මේ සම්බන්ධයෙන් 'පෙරටුගාමී පක්ෂයේ' නායක සහ සිනමා විචාරක දීප්ති කුමාර ගුණරත්න ගෙන් 'මිර්ර් ආට්ස්' කළ විමසුමකදී ඔහු මෙසේ අදහස් දක්වා සිටියේය.
'කොහොමටත් ලිංගිකත්වය කියන්නේ අනුන්ට පෙන්වන එකක්. තුන්වෙනි පර්ශවයක් වෙනුවෙන් ලිංගික සබඳතා පෙන්වන එක තමයි නිල් සිනමාවේ තියෙන්නේ.
යම් කිසි රටක් Sex වැඩිපුර බලනවා කියන්න එකේ න්‍යයික අදහස තමයි අපි Sex කරන්නේ අනුන්ට බලන්න ඒ වගේම කෙනෙක් නිල් සිනමාවට වැඩිපුර බලන්න යනවා නම් ඒ කෙනා ඇත්ත ශරීරය සමඟ ලිංගික සබඳතා පවත්වන එකෙන් ඈත් වීමක් තමයි වෙන්නේ.'
ඇයි එහෙම වෙන්නේ?
' මේ කාලේ ගැහැණු පිරිමි සබඳතා ඉතාම අස්ථිරයි. කිසිම කෙනෙකුට විශ්වාසයක් නැහැ. වඩා සුරක්ෂිතයි නිල් සිනමාවට ගිහින් ලිංගිකව සතුට ලබන එක ගැහැණියක් හා පිරිමියෙක් ජීවමානව ලබනවට වඩා.
ලංකාව වැඩිපුර Sex බලනවා කියනවා නම් ඒකේ අදහස තමයි ලංකාවේ ම්නිස්සු තමයි වැඩියෙන්ම අවිනිශ්විත භාවයකින් ඉන්නේ. තමාගේ අනෙක පිලිබද දැඩි අවිනිශ්චිත භාවයකින් ඉන්න රටක්.
පාසල් නිවාඩු කාලය
නාගරික ප්‍රදේශවල බෝහො වෙලාවට දෙමව්පියන් රැකියාවට යනවා . ඒ බොහෝ ගෙවල්වල දෙමව්පියන්ට ඇත්ත සම්බන්ධයකට යන්න වෙලාවක් නැහැ. වෙලාවක් ගන්න විදිහකුත් නැහැ .
බොහෝ වෙලාවට කරන්නෙ සෙල්ලම් බඩු , භෞතික භාණ්ඩ අරන් දෙනවා, නැත්නම් ක්ෂණික ආහාර සපයන Berga king, KFC වගේ තැන් වලට අරන් ගිහින් කවනවා. ඔවුන් ආදරේ කියන්නෙ ඒ ද්‍රව්‍යවලට.
ඒ වගේම දරුවන්ගෙන් එන අනෙක් ආතතිවලට කරන දෙයක් තමයි ඉන්ටර්නෙට් අරන් දිලා ඒගොල්ලන්ට කියනවා අධ්‍යපනික දෙවල් බලන්න කියන එක. ළමයින්ට ගැටවර අවධියෙදී තියෙන ප්‍රධාන ප්‍රශ්නයක් තමයි ලිංගිකත්වය මොකක්ද කියලා කියන එක. ඒයාලා ඒක රහසිගතව හොයනවා.
