විජය කුමාරතුංගයන් අප අතරින් වෙන්වි වසර 30 ක කාලයක් සනිටුහන් වන අවස්ථාවේ හෙළ සිනමා නිෂ්පාදක සංධානය ඔහු වෙනුවෙන් උපහාර උළෙලක් සංවිධානය කර තිබේ.
එම උපහාර ප්‍රසංගය හෙට දින(16) ජාතික චිත්‍රපට සංස්ථාවේ තරංගනි සිනමා ශාලාවේ දි පැවැත්වීමට නියමිතය.
උළෙල සඳහා යුග තුනක් නියෝජනය කරමින් සිනමාවේ ප්‍රවීන ජනප්‍රිය රංගන ශිල්පින් ශිල්පිනියන් සහභාගී වනු ඇත.
ඒ අනුව විජේරත්න වරකාගොඩ, මාලිනි ෆොන්සේකා, රවින්ද්‍ර රන්දෙණිය, ක්ලිටස් මෙන්ඩිස්, රන්ජන් රාමනායක, බන්දු සමරසිංහ, කමල් අද්දරආරච්චි, මහේන්ද්‍ර පෙරේරා, හේමාල් රණසිංහ, විශ්ව කොඩිකාර, සනත් විමලසිරි, දමිතා අබේරත්න, කුමාරි මුණසිංහ, අමිල අබේසේකර, සාරංග දිසාසේකර, අනුර ශ්‍රිනාත්, කාවීංග පෙරේරා, වසන්ත කුමාරවිල, සේනක විජේසිංහ, ඉසුරු ලොකුහෙට්ටිඅරච්චි යන ශිල්පිහු සහභාගි වීමට නියමිතය.
මෙහිදි විජය කුමාරතුංග පිළිබද කෙටි වාර්තාමය චිත්‍රපටයක් ද තිර ගත කෙරෙනු ලැබේ.
