බී. සිරිතුංග පෙරේරා ගේ දෙවැනි සිනමා නිර්මාණය වන “පෝරිසාදයා” හෙට සිට එනම් පෙබරවාරි 16 වැනිදා සිට දිවයින පුරා එල්.එෆ්.ඩි. මණ්ඩලයේ සිනමා ශාලා වල ප්‍රදර්ශනය කිරීමට නියමිතය.
පාතාලයේ රජ කළ පුද්ගලයෙක් වටා ගෙතී ඇති මෙම කතා පුවතේ පෝරිසාදයා නම් චරිතයට පණ පොවන්නේ ශ්‍රියන්ත මෙන්ඩිස් ය.
උදාරි වර්ණකුලසුරිය, දර්ශන ශර්මරාජ්, කුමාර තිරිමාදුර, උදාර රත්නායක, කමල් දේශප්‍රිය, අමිල කරුණානායක, අයිෂරා අතුකෝරාළ, හෂිනි කරලියද්ද, සරත් දික්කුඹුර, කුමාර රණපුර, ප්‍රියන්ත විජේසිංහ, කපිල සිගේරා, ඇතුළු රංගන ශිල්පින් ශිල්පිනියන් රැසක් ද මේ සඳහා රංගන දායකත්වය සපයා තිබේ.
කැමරාකරණය මහේෂ් කරුණාරත්න, කලා අධ්‍යක්ෂණය උපාලි උදයසිරි, සංස්කරණය ප්‍රවීන් ජයරත්න සහ ශෂින් ගිම්හාන්, සංගීත අධ්‍යක්ෂණය සුනෙත් කැලුම්, ගීත පබැදුම ආනන්ද පද්මසිරි සහ මහින්ද ප්‍රේමසිරි විසිනි.
“පෝරිසාදයා” ඉන්දික විජේරත්න සහ චන්ද්‍රසේන පලිහේන නිෂ්පාදනයකි.
