මහාචාර්‍ය සංගීත් නිපුන් සනත් නන්දසිරි සහ මල්කාන්ති නන්දසිරි සමග විශාරද අනුරාධා නන්දසිරි එක්ව ගැයෙන " දූ අනුරාධා" ප්‍රසංගයේ මාධ්‍ය හමුව පසුගිය දා නවලෝක නව ශ්‍රවණාගාරයේදී පැවැත්වුනි. 

මෙම ප්‍රසංගය 2018 මාර්තු මස 11 වැනිදා ප.ව. 6.30 ට නෙළුම් පොකුණ රඟහලේ දී පැවැත්වීමට නියමිතය.

" දූ අනුරාධා " ප්‍රසංගයට සංගීතය සපයන්නේ " නාද" සංගීත වෘන්දයයි.

කථනය විදුර ඩයස් අභයගුණවර්ධන විසිනි. 

මහාචාර්‍ය සංගීත් නිපුන් සනත් නන්දසිරි  ඒක පුද්ගල සංගීත ප්‍රසංග රටාවෙන් මිදී මුල් වරට ත්‍රිපුද්ගල සංගීත ප්‍රසංග කලාවට එළඹෙන මොහොත වන " දූ අනුරාධා" යනු විශාරද අනුරාධා නන්දසිරි සහ සංගීතවේදිනී මල්කාන්ති නන්දසිරි තමාගේම ප්‍රසංගයක ගායිකාවක් ලෙස ගී ගයන මුල්ම අවස්ථාව ද වේ.  

" දූ අනුරාධා" ඉදිරිපත් කිරීම සිහෙළ ටයිම් ඇන්ඩ් ස්පේස් වෙතිනි.