දෙවැනි වතාවටත් පැවැත්වෙන ආසියානු සාම සිනමා උළෙල 2018 සඳහා නිර්මාණ භාර ගැනීම මේ දිනවල සිදු වේ.

එහිදී කෙටි චිත්‍රපට , සජීවිකරණ චිත්‍රපට, වාර්තාමය චිත්‍රපට, සංගීත වීඩියෝ, කෙටි වාර්තාමය චිත්‍රපට යන අංශ යටතේ එළඹෙන ජූනි 30 වැනිදා ට පෙර නිර්මාණ ඉදිරිපත් කළ යුතුය.

ඕනෑම භාෂාවකින් නිර්මාණ එවිය හැකි අතර ඉංග්‍රීසි උපසිරසි යොදා තිබීම අනිවාර්ය වේ.

නිෂ්පාදන ආයතන මෙන්ම රුපවාහිනී ආයතන වලට ද මේ සඳහා ඉදිරිපත් විය හැකිය.

2016 ජනවාරි මසට පෙර නිෂ්පාදනය කළ නිර්මාණ ප්‍රදර්ශනය සඳහා සුදුසුකම් නොලබන බව සංවිධායකයෝ පවසති.

වැඩි විස්තර සඳහා https://asiapeacefilmfestival.com/වෙබ් අඩවියට පිවිසෙන්න.