දිවයින පුරා විසිරි සිටින ආධුනික කෙටි චිත්‍රපට නිර්මාණකරුවන් ඇගයීම උදෙසා “සිග්නිස් උත්තමාචාර සිනමා සම්මාන උළෙල 2018” ට සමගාමිව ආධුනික කෙටි චිත්‍රපට තරගයක් සංවිධාන කර තිබේ.

“Director Tomorrow” ලෙස නම් කර ඇති මෙම තරග අංශය සඳහා නිර්මාණ බාර ගැනීම මේ සිනවල සිදු කෙරෙන බව එහි සංවිධායකයෝ පවසති.

ඒ අනුව 2016 ජූලි මස සිට 2018 ජූලි කාලය තුල නිර්මාණය කරන ලද මිනිත්තු 2 මිනිත්තු 15 ත් අතර ස්වතන්ත්‍ර කෙටි චිත්‍රපට තරගයට ඉදිරිපත් කළ හැකිය.

කෙටි චිත්‍රපට බාර ගන්නා අවසන් දිනය වන්නේ අගෝස්තු 4 වැනිදා ය.

එහිදී හොඳම සිනමාපටයට සම්මාන පිරිනැමෙන අතර කුසලතා සහතික 15 ක් ද පිරිනැමීමට කටයුතු යොදා ඇති බව සංවිධායකයෝ පවසති.

වැඩි විස්තර සඳහා 0718069085 , 0778585976,0112 693425 දුරකථන අංක වලට අමතන්න.