හීන හොයන සමනල්ලු සිනමාපටය ප්‍රේක්ෂකයන් වෙත ගෙන ආ රොහාන් පෙරේරා ගේ නවතම සිනමා නිර්මාණය “ගෝල්”.
මෙම සිනමාපටයේ කතා පුවත ගෙතෙන්නෙ දුෂ්කර ගම්මානයක පිහිටි පාසලක ළමයින් පිරිසක් සහ දඬුවම් මාරුවක් ලබා එම පාසලට පැමිණෙන සමරසේකර නම් ගුරුවරයෙක් වටා යි.
ලොකු ලොකු හීන නැති කුඩා ළමුන් එකට එක්කාසු කරන මේ ගුරුතුමා දහසකුත් අපහසුතා මධ්‍යයේ එක් පාපන්දු කණ්ඩායමක් නිර්මාණය කරයි.
මෙම ළමුන්ගේ ලෝකයට බලාපොරොත්තු ගෙන එන සමරසේකර නම් ගුරුවරයාගේ චරිතයට පණ පොවන්නේ ප්‍රවීන රංගන ශිල්පී ජයලත් මනෝරත්න විසිනි.
චාන්දනී සෙනෙවිරත්න, කෞශල්‍යා ප්‍රනාන්දු, නයනා හෙට්ටිආරච්චි, ජයනි සේනානායක, අනුලා බුලත්සිංහල, ලක්ෂ්මන් මෙන්ඩිස්, සේවියර් කනිශ්ක, ඩේවිඩ් කරුණාරත්න, රිෂාන් නයිසර්, තේෂාන් තුෂ්මික, ධනංජය නවීන්, මොහොමඩ් ෂ්‍යාම්, පවන් බිම්සර, සුභාෂිණි ජයරත්න, කවිඳු කල්හාර, ටී. ශ්‍යාම් මෙහි සෙසු චරිත සඳහා රංගන දායකත්වය සපයති.
