ප්‍රවීන රංගන ශිල්පිනි මාලනී ෆොන්සේකාගේ සිනමා දිවියට දශක 5ක් පිරිම නිමිත්තෙන් සිනමා උළෙලක් පැවැත්වීමට නියමිත ය.

ඇය රංගනයෙන් දායක වූ ප්‍රකට සිනමාපට හතරක් දින හතරකදී ප්‍රදර්ශනය කරනු ඇත.

මාලනියගේ සිනමා දිවියට 50 වසරක් සපිරීම නිමිති කොටගෙන සංවිධාන කළ අභිනන්දන සැමරුම් උත්සව මාලාවේ තවත් එක් වැඩසටහනක් ලෙස මෙය සංවිධාන කෙරේ.

ඒ අනුව,

ලෙස්ටර් ජේම්ස් පීරිස්ගේ නිධානය අගෝස්තු 18 වැනිදා සවස 6 ට

ජයන්තදාස් පෙරේරාගේ ප්‍රතිරාවය අගෝස්තු 19 වැනිදා සවස 6 ට

ලෙස්ටර් ජේම්ස් පීරිස්ගේ අම්මාවරුනේ අගෝස්තු 20 වැනිදා සවස 6 ට

ප්‍රසන්න විතානගේගේ ආකාස කුසුම් අගෝස්තු 21 වැනිදා සවස 6 ට

ජාතික චිත්‍රපට සංස්ථා තරංගනී සිනමා ශාලාවේ දී පැවැත්වෙන මෙම උළෙලට ඇතුල් වීම නොමිලේ.