කැලිෆෝනියා හෙවි මෙටල් සංගීත කණ්ඩායමක් වන හන්ට්‍රස් හි ප්‍රධාන ගායන ශිල්පිනි ජිල් ජානුස් ජිවිතක්ෂයට පත්ව තිබේ.
මියයන විට ජිල් ජානුස් 43 හැවිරිදි වියේ පසුවිය.
තම ෆේස්බුක් පිටුවෙහි සටහනක් තබමින් සංගීත කණ්ඩායම නිවේදනය කර ඇත්තේ පසුගිය අඟහරුවාදා දින ඇය සියදිවි හානි කරගෙන ඇති බවයි.
ජිල් ජානුස් දිගු කාලයක පටන් මානසික රෝගී තත්වයකින් පෙළුණු බව පවසන හන්ට්‍රස් කණ්ඩායම තමන් මේ සම්බන්ධයෙන් ප්‍රසිද්ධියේ කතා කරන්නට තීරණය කළේ මෙවැනි රෝගී තත්වයෙන් කෙනෙක් පිඩා විඳිනවා නම් ඉන් මිදීමේ අභියෝගයට අත්වැලක් වීමේ බලාපොරොත්තුව මත බව සඳහන් කරයි.
“ඇය නැති අඩුව වෙනදාට වඩා දැනෙනවා,” යනුවෙන් ඔවුන් පවසයි.
හන්ට්‍රස් සංගීත කණ්ඩායම 2010 දී පිහිටුවූ අතර ඔවුන් ගීත ඇල්බම් 3 ක් නිකුත් කර තිබුණි.
