දිවයිනේ දැවැන්තම සාහිත්‍ය මංගල්‍යය ලෙසින් සැලකෙන කොළඹ ජාත්‍යන්තර පොත් ප්‍රදර්ශනය මෙවරත් පැවැත්වීමට සියලු කටයුතු සුදානම් කොට තිබේ.
ඒ අනුව එළඹෙන සැප්තැම්බර් මස 21 වැනිදා සිට 30 වැනිදා දක්වා දින 10 ක් බණ්ඩාරනායක සම්මන්ත්‍රණ ශාලා පරිශ්‍රයේ දී ප්‍රදර්ශනය පැවැත්වෙනු ඇත.
උදැසන 9 සිට රාත්‍රී 9 දක්වා ජනතාවට විවෘත වන පොත් දැක්මට සමගාමිව විවිධ සාහිත්‍යාංග ද සංවිධානය කෙරේ.
පොත් ප්‍රකාශකයන්ගේ සංගමය විසින් කොළඹ ජාත්‍යන්තර පොත් ප්‍රදර්ශනය සංවිධාන කරනු ලබයි.
