දුලංක දේවේන්ද්‍රගේ “චිල්ඩ්රන් ඔෆ් වයිට්” ජාත්‍යන්තර සම්මානයක් දිනයි
2018 සිංගප්පූරු දකුණු ආසියානු අන්තර්ජාතික සිනමා උළෙලෙහි (Sg.SAIFF) හොඳම කෙටි චිත්‍රපටය හිමි සම්මානය දිනාගැනීමට දුලංක දේවේන්ද්‍රගේ “චිල්ඩ්රන් ඔෆ් වයිට්” කෙටි චිත්‍රපටය සමත් වී තිබේ.
දෙවැනි වරට සංවිධානය කළ මෙම සිනමා උළෙල ඔක්තෝබර් 5 වැනිදා සිට 14 වැනිදා දක්වා සිංගප්පුරුවේ දී පැවැත්වුණි.
යශෝධා රසඳුනි, සංජීව සෙනවිරත්න “චිල්ඩ්රන් ඔෆ් වයිට්” වෙනුවෙන් රංගන දායකත්වය සපයා ඇත.
මෙම කෙටි චිත්‍රපටය මෙවර යාපනය අන්තර්ජාතික සිනමා උළලේදී හොඳම ශ්‍රී ලාංකේය කෙටි චිත්‍රපටයට හිමි සිලෝන් තියෙටර්ස් සම්මානය ද දිනා ගන්නා ලදී.
