මිරර් ආට්ස් අලුත් ගමනක

දෙස් විදෙස් කලාවන්ගේ නව්‍ය තොරතුරු නිරතුරුව ඔබ වෙත රැගෙන ආ මිරර් ආට්ස් වෙබ් අඩවියේ නව කාර්යාලය විවෘත කිරීමේ උත්සවය ඊයේ (20) දින තලවතුගොඩ ප්‍රදේශයේ දී පැවැත්වුණා.

සය වසරක් පුරා ඔබ විශ්වාසය දිනා ගනිමින් ඔබ සමීපයේ රැඳී සිටි “මිරර් ආට්ස්” ඉදිරි ගමන වෙනුවෙන් සුබ පැතුම් එක් කරන්නට මහාචාර්ය සුනිල් ආරියරත්නයන්, ප්‍රවීන ලේඛිකා සීතා රන්ජනී, ජ්‍යෙෂ්ඨ මාධ්‍යවේදී නිමල් ඒකනායක ඇතුළු කලා සහ ජනමාධ්‍ය ලොවේ නම් දැරූ පිරිසක් එදින අප සමඟ එක් ව සිටියා.

ඕපාදුප වෙබ් අඩවි කලාවෙන් බැහැරව එතෙක් මෙතෙක් අප ආ ගමනට නවමු ආරම්භයක් ලබා දෙමින් ඉදිරියටත් ජනතාව වෙත සමීප කරවීමේ බලාපොරොත්තුවෙන් පසුවන බව මිරර් ආට්ස් වෙබ් අඩවි ප්‍රධානි මනෝහාරී හේවාවසම් එහිදී ප්‍රකාශ කළා.

යහපත් කලාවක් රසවින්දනයක් වෙනුවෙන් කැපවී සිටින මිරර් ආට්ස් වෙබ් අඩවිය සමඟ අත්වැල් බැඳගනිමින් ඉදිරියටත් අප සමඟ රැඳී සිටින්නට ඔබට ආරාධනා!!