ද.අප්‍රිකානු රැප් ගායක සම්බෝ දිවියෙන් සමුගනියි
HHP නමින් ප්‍රචලිත දකුණු අප්‍රිකානු රැප් ගායක ජබුලානි සම්බෝ අභාවප්‍රාප්ත වී තිබේ.
මියයන විට ඔහු 38 හැවිරිදි වියේ පසුවිය.
එරට බොහොමයක් ගායන ශිල්පින් ඇමරිකානු රැප් සංගීතය අනුගමනය කරන විට සම්මානලාභී මෙම කලාකරුවා ස්වදේශීය භාෂාවන්ගෙන් ගීත ගායනා කරමින් දකුණු අප්‍රිකානු හිප් හොප් සංගීතය ප්‍රචලිත කිරීමට දැඩි වෙහෙසක් ගත්තේ ය.
දහස් සංඛ්‍යාත දකුණු අප්‍රිකානු ජනතාව සමාජ මාධ්‍ය ජාල ඔස්සේ ඔහුට ගෞරව උපහාර පුද කර තිබේ.
දකුණු අප්‍රිකානු පාලක පක්ෂය ද ඔහුගේ අභාවය සම්බන්ධයෙන් සිය ශෝකය පළ කර ඇත.
පසුගිය වසර කිහිපය පුරා විශාද රෝගී තත්වයෙන් පිඩා විඳි ජබුලානි සම්බෝ මියගිය හේතුව මෙතෙක් තහවුරු කර නැති බව විදෙස් මාධ්‍ය වාර්තා කරයි.
